“Nagdala na ako ng almusal. Kumain ka muna bago ka pumasok,” ani July saka pumasok papuntang kusina. Napamaang na lang si Yasmin ng pakialaman na nito ang ilang gamit doon at naghain. Nagtimpla din ito ng gatas para sa kanya.
Sa ngayon ay muli itong bumalik sa resort sa tabi ng nabili niyang bahay. Hindi na ito dumadaan sa terrace kung nais nitong magpunta sa bahay niya. Aminado siyang na-appreciate iyon para mabigyan siya ng privacy. Si Yllan naman ay nakabalik na sa Baguio dahil sa trabaho.
Bukas na mag-uumpisa ang leave niya para sa buong buwan upang makapagprepara sa kasal. Nagulat din ang mga ka-trabaho niya dahil biglaan siyang nagdeklara. Marami ang nagtaka ngunit walang nangahas na magtanong ng tungkol sa detalye.
“P-paano mo nalamang hindi ako nagkakape?” manghang tanong niy
