“Jaiyana.”
“Hmm?” Medyo kalmado na ito ngayon dahil nadala niya na sa lambing. “Bakit?”
“Beach wedding ba talaga ang gusto mo?”
“Oo sana.”
“Kailan mo gusto?”
“Bakit ako ang tinatanong mo?”
“Dahil ang gusto mo ang susundin natin. Gusto kong maging masaya ka sa araw na ‘yon kaya kung ano ang gusto mo ay iyon ang gagawin natin,” aniya. “So, kailan mo gusto?”
“P'wede bang kapag lumabas na lang ang baby natin?”
“Sigurado ka? Matagal pa ‘yon dahil pagkatapos mong manganak, magpapahinga ka pa ng ilang buwan. Ayos lang ba sa iyo na gano’n katagal?”
“Gusto ko kasi na kasama na natin ang anak natin sa importanteng okasyon sa buhay natin,” pahayag nito. “Gusto ko kasama na natin siya para masaya.”
“Sigurado ka ba?”
“Yes.”
“Ano pa ang mga gusto mo?”
“Gusto ko lang ng simple pero maganda
