Ipinagtimpla na rin siya ni Mang Kanor ng kape para daw hindi lumulutang ang utak niya. 'Wag daw puro tubig ang tirahin niya para daw hindi nalulunod ang utak niya.
Alas-kuwatro y medya silang bumaba pero alas-otso na ay nandito pa rin sila nito sa kusina at nag-uusap ng kung ano-ano. Kung saan-saan napupunta ang usapan nila para lang makalimutan niya ang mga nangyari kani-kanina lang.
Nang maubos niya ang kape na tinimpla ni Mang Kanor ay natimpla pa siya nang nagtimpla. Itong kapeng iniinom niya ngayon ay pang-walo na kaya naman ito si Mang Kanor ay harap-harapan na siyang ipinagdadasal dahil baka raw sinaniban na siya ng duwende.
“Hijo, baka isang linggo kang hindi makatulog niyan dahil sa ginagawa mo. Diyos kong bata ka. Ano ba ang pinagdadaanan mo? Kung anuman 'yan, laban lang. La
