“Pumasok ka na,” utos sa kaniya ni Petra nang makauwi sila.
Pagkatapos nitong komprontahin si Yassi kanina ay inilibre siya nito sa restaurant kaya busog na busog siya dahil ang dami nitong in-order.
“Aalis lang ako saglit at baka sa susunod na buwan na ulit tayo magkita," sabi nito na ikinagulat niya.
“Ha? Bakit? Saan ka pupunta?”
“May aasikasuhin lang akong importante,” anito sa kaniya. “'Wag na ’wag kang magpapapasok dito sa bahay mo kilala mo man o hindi maliban sa mga kaibigan mo dahil delikado na sa panahon ngayon.”
“P'wede ba akong sumama sa iyo?” tanong niya bigla na halatang ikinagulat nito.
Napatitig ito sa kaniya at bahagya rin na pinag-aralan nito ang kabuuan niya. “Bakit gusto mong sumama sa akin?”
“Para alam ko na babalik ka pa.” 'Yon ang salitang lumabas sa bibig n
