High school
TIKWAS ang isang kilay na pinagmasdan ni Raven ang isang binti na bigla na lang sumulpot sa kanyang daraanan. Ang binti ay pag-aari ni Andrew, wala nang iba. Sigurado siya sa plano ng kaklase at nagpapasalamat na nakita niya iyon kaagad kundi malamang na nakasubsob na siya sa sahig sa kasalukuyan, kagaya ng minsang nangyari. Hindi man niya nagawang makita kaagad ang binti sa kanyang daraanan at mapagtagumpayan na naman ni Andrew na inisin siya ay kailangan siguro niyang magpasalamat na nasa privacy sila ng school library. Walang gaanong tao sa bahaging iyon. Kaya nga siya nagpunta sa bahagi na iyon para tahimik na makapagbasa. Hindi niya inasahan na makikita niyang nakasalampak sa sahig si Andrew. Nagkalat ang ilang nakabukas na libro sa lapag.
Naniniwala si Raven na hind
