CHAPTER SEVENTEEN
JAZZLENE
KATATAPOS ko lang mag-shower at kasalukuyang gumagayak. Nagkayayaan kami nina Leigh at Violet na kumain sa labas at iinom daw kami nang kaunti. Since busy uli si Camille, hindi na naman namin siya makakasama.
Simpleng gayak lang ang ginawa ko. Jeans at cropped top at 'yong Nike shoes ko. Hindi rin ako masyadong nag-ayos, light make up lang. Ang buhok ko naman ay sinuklay ko lang at nagbaon na lang ako ng scrunchie, nakasuot 'yon sa kanang pulsuhan ko. Nag-spray muna ako ng pabango bago tuluyang lumabas sa kuwarto bitbit ang phone ko.
Pababa na ako sa hagdan nang naalala ko si Adam. Ang totoo, gusto kong mag-stay kanina sa kanila para makikain sa birthday niya dahil natakam ako sa mga pagkaing nasa mesa. Isa pa, na-curious ako sa kung ano'ng klaseng pamilya ma
