"Si Clinton? Si Clinton nga!" Bulalas din ni Liam nang makita nito ang papalayong bulto ni Clinton. Bigla din itong napalayo sa kanya habang nakatanaw sa likod ni Clinton.
"Hindi mo ba siya hahabulin?" Nananantiyang tanong sa kanya ni Liam. Kaagad naman siyang umiling habang nakayuko.
"Nagkita na kayo... At bumabalik siya sa'yo..." Sapantaha nito maya-maya. Umupo na rin ito ulit sa silya nito.
"Bakit hindi mo sinabi sa'kin, bes?" mahina pa nitong tanong maya-maya nang walang makuhang anumang sagot mula sa kanya.
Pakiramdam niya ay gets na agad siya ni Liam na iniiwasan na naman niya si Clinton kahit hindi pa siya nagku-kuwento rito.
"Ikaw rin naman, di ba, hind mo sinabing may sakit ka..." Walang halong panunumbat na pagdadahilan niya.
Siguro ay binibigyan lang niya ng excuse ang sa
