“I’M NEVER gonna have a life.”
Marahang natawa si Andres sa sinabi ni Astrid. Nakaupo ang kaibigan sa isa sa mga bakanteng hospital bed sa emergency room. He was hooking her up with a banana bag. Nasa tabi ang isang residente na bitbit ang ilang head scans para matingnan ni Astrid. Hindi naman masasabing lasing si Astrid pero hindi sanay uminom ang kaibigan at mas maigi nang maging maingat.
“I’m not on call,” naiinis na sabi ni Astrid. “I was having fun. May nakita akong guwapong lalaki at nag-iipon lang ako ng lakas ng loob na lumapit at makipag-usap.”
“Hindi kayo magkakarinigan,” nakangiting sabi ni Andres. Kahit nagrereklamo ang kaibigan, alam niyang mas gugustuhin pa rin nitong pumasok sa operating room kaysa manatili sa maingay na dance club.
“Nasa operating room na po si Doctor R
