PAGMULAT ni Alana ay nanuot sa kanyang ilong ang pamilyar na amoy ng antiseptic. Puting-puti ang kisame. Kaagad na naiproseso ng kanyang isip na nasa loob na naman siya ng hospital room. Pilit niyang inalala ang mga nangyari kahit nararamdaman niya ang pagsakit ng kanyang ulo.
“Hey.”
Napatingin si Alana sa pinanggalingan ng boses. Si Blu ang nakaupo sa tabi ng kanyang kama. Nginitian siya ng binata. “I’m glad to see you’re finally awake,” mahinang sabi nito. Parang noon lang ito nakahinga nang maluwang. Nabasa niya ang relief sa mga mata nito. Masasabing sobra itong nag-alala para sa kanya.
Unti-unti nang nagbalik kay Alana ang mga nangyari. “Hindi ako patay,” halos wala sa loob na sambit niya.
“Thank God. Nagpapasalamat ako na walang nangyaring masama sa `yo.”
Sa kabila ng naging p
