❝Parang awa mo na, Ebil. H'wag mong gawin 'to. Hindi ka namin pinalaki ng tatay mo nang ganito. Hindi ikaw 'to,❞
Bakit ba nangyayari ito sa amin?
Bakit ba parati akong pinagkakaitan ng mapayapang buhay?
Bakit palagi nalang akong nasasaktan?
"Ako 'to, nay. Si Ebil to. Ang pinaka-ayaw mong anak." Tawang-tawa na usal niya. Bahagya niyang ibinaba ang mukha kay lola at ngumisi.
"Kaya nga nang mamatay ang hayop kong kapatid, doon mo lang naisipang tumira sa akin 'di ba? Kase wala ka nang pagpipilian? Kase wala ka nang pupuntahan? Ta's ano? Dumala ka pa ng pabigat? Nang palamunin?"
Mariing umiling si Lola. Nanatiling tikom ang mga labi ko. Ininda ko ang sakit ng katawan.
"Hindi totoo 'yan, anak. Pareho ko kayong mahal ng kapatid mo." Nahihirapang sagot ni Lola.
"Hindi. Kitang-kita naman e
