MADALING araw na ngayon at nasa dagat na naman sila. Ako lang at si Light ang nasa bangka. Maliligo raw sila. Nakatampisaw sila ngayon sa dagat, mukhang hindi pa yata sila kontento sa paglangoy namin sa kaharian ng mga mermaids at mermans, o sadyang killjoy lang talaga ako? Ewan.
Napatingin ako sa malayo. Ang dami na nang nangyari. Kaunting panahon pa lang ako dito pero ang dami na ng mga nangyaring kababalaghan sa buhay ko. Inaamin ko, medyo nasiyahan naman akong kasama ang grupo.
Hindi ko alam kung kailan matatapos ang paglalakbay na ito. Kung matapos man ito ay sana maging maganda ang kahihinatnan ng mga bagay-bagay. Wala sanang masira sa mundong ito. Napakaganda ng mundong tapos sisirain lang?
Napalingon ako sa gawi ni Narioz na sobrang saya. Ang la
