NAKATUNGANGA ako ngayon habang pinagmamasdan ang dagat. Oo, dagat nga. Nakakita kami ng dagat kaya gumawa sila ng bangka kasi raw kailangang tawirin ang dagat na ito. Nakatayo lang ako sa may gilid ng bangka. Nakatawid na kami sa bundok at ngayon ay dagat na naman, anong kasunod? Bulkan? Snow? Langit?
Hindi ko alam kung ano ang trip nila, puwede naman sigurong mag-teleport 'di ba? I can do that even if address lang ang ibigay nila, mapupuntahan ko agad. Well, hindi ko nga pala sinabi na makakapaglaho ako kasi baka may mainggit na naman at pag-initan na naman ako.
"May problema ba?" rinig kong boses sa katabi ko. Nakatuon pa rin ang atensiyon ko sa malinaw na dagat. Siguradong masaya si Liry. Lumalakas ang kapangyarihan niya dahil nasa may dagat kami.
