*****
Lukas
Bukas na ang uwi ni pareng Emilio at hanggang ngayon ay wala pa rin akong alam na isasagot sa alok niya.
Kagabi ay di rin ako masyadong nakatulog kakaisip nito pero bahala na.
Minabuti ko na lang na bumangon ng maaga at makapagluto ng aming agahan.
Nagsaing na ako at nagprito ng itlog at ilang mga nilagang talbos ng kamote at okra na galing sa aking mga tanim.
Sinilip ko naman ang silid ng aking anak at nakita ko silang mahimbing pang natutulog. Mukhang di rin nila ako sinunod at nagkwentuhan pa rin gaya ng binalak nila.
Nauna na akong nag-almusal dahil mukhang puyat na puyat pa ang dalawa kaya di ko na sila ginising pa.
Nagwalis na rin ako ng aking bakuran gaya ng aking nakagawian at nagdilig na rin ako ng aking mga halaman. Pinakain ko na rin ang aking mga alagang hay
