SHANE
Lumapit ako sa pinto ng silid ni Lolo habang tulak ko ang trolley. Pinilit kong kumalma para hindi magduda ang dalawang pangit na bantay. Isang bigotilyo at isang may peanuts sa mukha. Pareho silang mukhang hoodlum at hindi gagawa ng mabuti sa kapwa. Napansin ko rin ang nakaumbok sa tagiliran ng mga ito. "Paanong nakapasok ang mga ito nang may dalang mga baril?" tanong ko sa sarili.
"Gabi na ah, bukas ka na maglinis," sabi ni Kiko.
Tumikhim ako. Pinilit kong baguhin ang boses ko. "Kailangan, Ser, para sa sahod."
Binuksan nito ang pinto. "Bilisan mo lang."
"Salamat, Ser." Muntik pa akong pumiyok dahil sa kaba. Itinulak ko ang trolley ko papasok ng silid ni Lolo. Isinara ko ang pinto. Naroon si Mang Dado habang sinusubuan si Lolo ng lugaw.
Tumingin silang dalawa sa akin. "Gabi n
