"Tuesday, may assignment ka na kay Sir Pacifico?" Kinalabit ako ni Lance sa balikat.
Lumingon ako saglit dito. "Ha? Wala pa, eh. Pakopya na lang." Sabay balik ng paningin sa kinakalikot kong bagong biling A6500 Camera.
"Ano na naman 'yan?" Naupo si Lance sa katabing upuan ko. Narito kami ngayon sa campus ground kung saan may mga bench sa paligid bilang pahingahan ng mga estudyante.
"Ah, camera?" Wala sa loob kong sagot.
Napakamot sa batok si Lance. "Alam kong camera, bago na naman 'yan. Nasaan iyong dati mong camera?"
"Nakita ko itong camera sa mall, ang ganda! Maraming idinagdag na features, mas sharp ang photos, interchangeable lense, continuous shooting. Ibinenta ko ang camera na padala ni Papa tapos ibinili ko nito iyong pinagbentahan ko." Itinapat ko ang camera sa mukha ni Lance
