Lynne’s POV
Napahawak ako sa aking tiyan. Ayon sa GPS tracker na, papunta kami ng Loakan Airport dito sa Baguio city. Nakatingin lang ako sa bintana. Ilang beses nagtama ang mga mata namin ni Dominic sa rear view mirror agad akong nag iwas ng tingin.
Gusto ko sana maging manhid na lang para hindi ako makaramdam ng sakit. Pero wala naman ako magawa sa sitwasyon ko.
Gaya na lang nang pumuntang lalaki sa bahay namin. Pinagbantaan akong patayin ang dalawang taong mahal ko. Sino ba dapat ang pipiliin ko? Ang ate ko na siyang mahal na mahal at naging ina at ama para sa akin. O ang lalaking una kong minahal na nagligtas sa akin sa kapahamakan. Kahit masakit at sobrang hirap pumili sa batang isip ko pareho ko silang mahal at kaya kong tiisin iyon h’wag lang silang mawala sa akin.
“We are here,
