Ang maantang amoy at mahinang bulungan ang nagpabalik ng kamalayan ni Josephine. Mabigat pa ang kanyang katawan at umaalingawngaw sa kanyang tenga ang pitik ng heart monitor na sa hula niya’y nasa kanyang tabi. Hindi na niya kinailangan imulat ang mga mata para malaman kung nasaan siya ngayon.
“Ano na naman kasi nangyari d’yan?” Nakikilala niya ang magaspang na tinig na ‘yon. Ang boses na kailan ma’y hindi nabahiran ng kabaitan tungo sa kanya. It was her elder sister, Sanya Dixon. “Puro problema ang dala, hindi na nagbago.”
Tila isang kutsilyo na tumarak sa dibdib niya ang mga katagang ibinulalas ng kanyang kapatid. Kung maaari lang, ayaw na niya na imulat pa ang talukap ng kanyang mga mata. Nakakasigurado kasi siya na mas lalo mang kukulo ang kanyang dugo sa oras na makita niya ang mu
