"Fake wedding pictorial? You mean, kakasalin tayo?" Kunot-noong tanong ko, naguguluhan ang boses.
"Well, yeah..."
"As in totoong kasal?"
"Parang totoo pero fake lang. Ako na ang bahalang kumuha ng mga tao,"
"I see..." Napatango ako.
Kakasalin kami... hindi man totoo 'yong mangyayari pero tiyak na masaya 'yon. Parang 'yong mga marriage booth lang noong high school ako.
Kinagat ko ang labi ko para pigilan ang pagngiti nang malaki. Baka isipin niyang weirdo ako, o baka matunugan niyang may gusto ako sa kanya kapag pinakita kong kinikilig ako sa mangyayari.
"Kailan natin 'yan gagawin?" Tanong ko. Isang buwan na lang ang mayroon kami, palapit na nang palapit ang pagdating ng papa niya.
"Two weeks from now, I guess? Kailangan kasi nating mag-prepare, eh. Even though fake lang ang
