"Ano ba kasing pumasok sa isip mo, Ana Joy at bakit kailangan mong itaas ang manggas ng damit ni Sir Damian para makita ang sugat niya? Ano kayo? Close?" sermon ng tinig sa utak ko.
Halos hindi ko halos malasahan ang mga kinain kong pagkain kanina sa restaurant kahit pa mga itsura pa lang at amoy ay nakaka takam na. Hiyang-hiya kasi ako sa naging kilos ko.
Ano ba ang karapatan ko para tingnan kung magaling na ang sugat ni Sir Damian sa kanyang braso?
Amo ko siya at ako? Isa lang naman akong katulong, alalay, utusan tapos ganun ang kilos ko?
Kaya naman halos gusto ko rin na bumuka na ang lupa at kainin na ako ng buhay sa pagkapahiya na naramdaman ko.
Sa ngayon ay pauwi na kami ng mansyon. Magkakasama na kami sa iisang sasakyan at si Sir Damian mismo ang nagmamaneho.
"Kuya, this is n
