“Kung hindi ka talaga bumalik, Dorry? Bakit may record ka sa hospital na ‘to? Three years ago na confine ka sa hospital na ‘to. Ano ba talaga ang nangyari sa’yo? Bakit pati ‘yon ay ayaw mong malaman namin?”
Sabay bumaling ang tingin ni Dorry at Diego sa akin. Si Diego ay may tingin na nagtataka, at si Dorry ay may tingin na kabado; kitang-kita sa hindi maperme nitong mga mata.
“Bakit hindi ka makasagot?”
Bahagya akong lumapit sa kama niya, habang hindi siya nilubayan ng tingin. Maging si Pareng Diego ay hindi na rin maalis ang tingin sa kanya.
“Ano ba talaga ang tinatago mo? Imbes kasi na mabawasan ang tanong dito sa utak ko, mas dumami pa. Mas nakakalito na. Ano ba talaga ang sikreto mo, Dorry?”
Tinapik naman ni Pareng Diego ang balikat ko. Alam kong ramdam niya ang paghihirap ng
