Chapter 19:
Magiging masaya na sana siya sapagkat ay natapos na ang pagiging grounded niya. Pero hindi niya mahanap ang tuwa matapos sabihin ni Ryllander sa kaniya na tapos na ang kaniyang pagdurusa matapos niyang painitin ang ulo nito. Kasi naman ay makakalabas lang siya sa mansiyon kung ang Amo niya ang kasama. Katumbas pa rin iyon ng pagiging grounded, para kay Lila. Subalit ay hindi niya maaaring kontrahin ang Amo niya. Sa katunayan ay nasa loob siya ng isang mamahaling pamilihan ngayon at panay ang pagbubuntot niya sa kaniyang Amo na para bang artista sa tuwing nakikita ng mga tao. Halos magtilian na ang mga babaeng nadadaanan nila. Ang iba ay kinuhanan pa ng litrato si Ryllander.
Ano ba ang mayroon kay Ryllander, bakit palagi siyang hinahabol ng titig ng mga babaeng nasa loob mall?
