Alexandrite's Pov
"Iyan na ba 'yong huling box na naiwan doon sa lobby?" Hindi pa rin makitaan ng liwanag ang mukha ni Tita Nerie habang nagsasalita siya. Maingat na nilapag ni Primo ang may kalakihang box sa gilid ng kulay peach kong couch saka siya umayos nang tayo. "Mayroon pang dala si Khalil."
Muli kaming napalingon sa pinto nang makarinig kami nang marahas na pagbuntong hininga. Napangiwi na lamang ako at ilang beses na napalunok nang makita ang hinahapong si Khalil bitbit din ang isa pang box.
"Salamat," bulong ko. Tumigil ito sa paglalakad saka tumingin sa 'kin gamit ang naniningkit niyang mga mata na maihahalintulad ko na kay Primo. "Hindi mo kailangang magpasalamat sa 'kin hindi naman bukal sa puso ang pagtulong kong 'to. Napilitan lang ako, pinagbantaan ako kanina ni Mama
