SERENITY
"Sorry po, ma'am," hinging paumanhin ng batang babae sa akin dahil naapakan niya ang paa ko.
"Okay lang," hindi niya naman sinasadya at nagkataon rin na napapreno bigla ang driver.
Uwian na kaya puno at siksikan ngayon dito sa loob ng bus. Kanina pa ako nakatayo at ang sakit na ng dalawang paa ko. Pasimple kong tinakpan ang ilong ko dahil sobrang baho ng katabi ko. Diyos ko, nakalimutan niya siguro na maglagay ng deodorant sa kili-kili niya.
Nang tumayo ang isang matandang ginang ay umupo agad ako sa pwesto niya kanina. Napapaypay ako sa aking sarili at pinunasan ko ang pawisan kong mukha. Para naman akong nakisabak sa giyera nito dahil hindi na ma-explain ang itsura ko. Sa susunod ay hindi na talaga ako sasakay ng bus tuwing uwian at magpapasundo na lang ako kay Kuya Lucas
