Aubrey's POV
Maaga akong nagising dahil sa lakas ng ulan sa labas. Mabilis kasi akong lamigin kaya hindi naging sapat ang halos tatlong pinagpatong-patong ko na kumot para ibsan ang lamig na nararamdaman ko.
Nangangatog na binuksan ko ang ilaw sa kusina para magtimpla ng kape.
"Ang lamig asar." Nanginginig na bulong ko sa hangin.
Nakapokus ako sa pagsasalin ng mainit na tubig sa baso ng dumaan si Tito Vic. Nakangiti ko siyang binati kahit na nangangatal ako sa lamig.
"Good morning Tito." Bati ko. Tinanguan niya lang ako. Umupo siya sa lamesa hawak-hawak ang laptop niya. Mukhang busy sa trabaho si Tito.
"Maghahanda na po ba ako ng almusal?" Tanong ko sa kanya. Umiling siya at saka inayos ang salamin niya.
"Itimpla mo lang ako ng kape." Utos niya. Agad akong kumilos at saka itinimp
