Monique’s POV
HINDI ko pa rin matanggap na hindi na natatakot si Tristan kapag sinasabi ko sa kaniya na ipapalaglag ko ang anak namin kapag hindi siya sumunod sa gusto ko. Parang alam na niya na hindi ko naman talaga iyon kayang gawin. Well, panakot ko lang naman iyon sa kaniya at wala naman talaga akong balak na gawin iyon. Hindi ako tanga para alisin ang isa sa mga alas ko para tuluyang maagaw ko si Tristan kay Agnes. Ang anak namin ni Tristan ang magiging kapit ko sa kaniya. Kaya ipagpapatuloy ko ang pagbubuntis ko hanggang sa mailuwal ko ito.
Kung hinihintay nina Tristan at Agnes ang paglabas ng bata sa sinapupunan ko dahil sa pag-aakalang mawawala na ako sa buhay nila ay hinihintay ko rin ang araw na iyon. Dahil magagamit ko ang sanggol para mas lalong hindi umalis sa buhay ni Trist
