NAG-ANGAT ng tingin si Daphne nang marinig niya ang mahinang katok na nanggagaling sa labas ng pinto ng opisina niya.
"Come in," wika naman niya kung sino man ang nasa labas ng opisina niya. Hindi na din niya inalis ang tingin sa gawi ng pinto, hinihintay kasi niya kung sino ang papasok do'n. Medyo curious din kasi siya kung sino ang bisita niya dahil wala naman siyang inaasahan.
At mayamaya ay nakita niya ang paggalaw ng seradura at ang pagbukas ng pinto. Nakita din niya na pumasok din do'n ang secretary ng Mama niya, ito pala ang inakala niyang bisita niya ng sandaling iyon. Hindi nga din niya napigilan ang pagbaba ng tingin sa hawak nitong isang bugkos na pulang bulaklak. At nang mapatingin siya do'n ay hindi niya napigilan ang pagbilis ng t***k ng puso niya. Kahit na anong pigil ka
