"I'll pick you up later," narinig kong sabi ni Tyler at nakangiting humarap sa akin.
Mabilis akong umiling. "Huwag na, hindi na kailangan. Kaya ko naman na umuwi na ako lang mag-isa," mariing sabi ko at isang beses pang umiling na ikinatawa ni Tyler.
Nandito kami ngayon sa labas ng tinutuluyan ko. Kakauwi lang namin galing sa hospital at sariwa pa rin sa akin ang ginawa kanina ni Franco. Mariin akong umiling para alisin ang imahe ni Franco sa isip ko. Kasama ko si Tyler pero iba naman ang iniisip ko. "Come on. I just want to ensure your safety," pagpapa-cute ni Tyler sa harap ko.
Gigil na kinurot ko ang pisngi ni Tyler dahil sobrang cute na talaga. Para siyang baby. Akala mo naman siya ang humihingi ng favor sa akin kung magpa-cute siya. Siya nga itong naaagrabyado sa gusto niyang ga
