Dahil sa ginawa ni Nitch ay lumawak ang sakop ng kanilang nakikita. Mas malapad na ngayon ang parte kung saan sila maaaring maghanap ng pasukan upang puntahan ang ibabang parte ng yungib. Sa loob ng halos dalawampung minuto na paghahanap ay alam nilang malapit na nila iyong matagpuan. Maliban sa nagiging aggressive na ang usok sa depensa nila ay mas lalo rin itong nagiging makapal. Na kung ang gamit nila ay tulad ng ginamit kanina ni Van ay malaki ang posibilidad na ’di nila ito makakayanan.
“Nitch, ayos ka lang ba? Mas kumakapal na ang hallucination smoke rito sa loob,” sabi ni Dane at halos gumapang na sa sahig upang ramdamin ang posibleng pasukan pababa.
“A-ayos lang ako. Kaya ko pa kahit umabot tayo ng isang oras. Kahit paano ay narito pa naman ang epekto sa ’kin ng buwan,” anito. N
