Matapos ang halos ilang oras ay narating din nila ang parte ng pasukan sa main city, kung saan ay nagsisimula na silang makisalamuha sa mga iba’t ibang lahi na naroon. Palinga-linga sila habang naglalakad sa daan na kaliwa’t kanan ang malalaking gusali na nakatayo. Malayong-malayo ang itsura nito sa likod na bahagi ng city. At alam na alam nila ’yon dahil doon sila mismo nanggaling. Agad naisip ni Dane na paano pa kaya ang sitwasyon sa mga liblib na lugar? Ano ang kabuhayan ng mga nilalang doon, at ano’ng klaseng mga nilalang na sila ngayon? Mga bagay na bumabagabag sa kanya na maaaring maikonekta sa paglabas ng mga red fang.
“Mukhang marami na naman ang nahihikayat na pumasok sa organisasyon na iyon.”
“Talaga! Sa labis ba naman na kahirapan na ating nararanasan dito ay nakatitiyak akong
