Sa pagdaan ng mga oras ay inabot na sila ng isang araw at mahigit sa biyahe. Mula noong nakaraang gabi ay hindi na muling nagkaroon ng aberya ang kanilang pagbaybay tungo sa assigned ruins para sa mga trainee. Isinalaysay naman niya sa kanyang mga kasamahan ang nasaksihan na labanan. Kaya simula sa oras na ’yon ay naging mapagmatyag na sila. Kahit ang totoo ay siya lamang ang may kakayahan na marinig nang bahagya kung ano ang nangyayari sa labas dahil sa soundproof nilang silid. Salitan ang pagbabantay nila hanggang sa oras na ito. Ngunit halos lahat sila ay hindi na rin natulog dahil sa labis na isipin.
“Nababagot na ako sa kahihintay. Wala man lang silang balita sa ’tin kung kumusta na sina Lamo at Tali,” sabi ni Karn na ngayon ay nakatingin sa pinto ng silid nila.
“Sana naman ay may
