Napatingin ako sa paligid habang palabas ako ng sasakyan na sumundo sa amin kanina sa nilapagan ng cessna na sinakyan namin.
Wala pa ring pinagbago ang hacienda at marami pa rin na mga puno ng prutas sa paligid, ito ang pinaka-paborito ko sa lahat ang mamitas ng mga bunga ng bayabas at santol.
Pero sa ngayon hindi na muna ito ang iisipin ko dahil si lolo ang gusto kong makita at kung ano ang kalagayan nito.
Narinig ko kina mommy kanina na naghahanda na ang abogado nina lolo sa mga ari-arian na maiiwan nila, kaya nagalit si mommy at hindi makapaniwala.
Magkahawak kamay kami ni mommy habang papasok sa mansyon ng grandparents ko.
Kinakabahan ako na makikita ko na naman ulit ang pamilya ni mommy.
Mas malapit ako sa pamilya ni daddy kaysa kay mommy dahil mas nakakatakot ang mga ito.
Ang
