Napasugod ang grupo ni Hexur sa gate ng Haito Compound. Naabutan nilang wasak ang gate, duguan ang mga gwardiya at may patay na ang isa. Sa hindi kalayuan ay nakaparada ang isang Toyota Camry na kulay itim. Bagong-bago ito at kita ang nangingintab na kulay nito.
Mukhang hindi alintana ng mga mayayabang na miyembro ng Vinsue Mafia Organization ang presyo ng sasakyan dahil mga nakasampa ang ilan sa kanila sa bubong nito habang nakapatong sa balikat nila ang mahahabang kalibre ng baril. Mga nakangisi ang mga naninigarilyong lalaki.
Agad na inutusan ni Hexur ang grupo niya na barilin ang mga pangahas. Subalit parang palos na biglang nawala ang grupo. Humahakhak pa silang parang mga demonyo.
"Naghahanap talaga sila ng gulo," galit na sabi ni Hexur. "Maghintay sila. Ibibigay ko ang hina
