Ilang araw ng tulala si Hexur. Hindi pa rin siya mapakali. Alam n'yang hindi maganda ang hindi siya nagsasalita ng nararamdaman at nalalaman n'ya kay Morie subalit naduduwag siya. Kapag kasi pinilit n'yang kunin ang makina na ginawa ng kasintahan ay maaaring magalit nga ito.
"May problema ba, mahal?" tanong ni Morie.
"Wala, mahal. Marami lang akong iniisip," sagot ni Hexur.
"Huwag ka ng mag-isip pa ng kung ano-ano pa. Okay na ang Libana at masaya na ang mga tao. Kita mo naman sa balita, 'di ba? Ang mga dating mga parang hayop na tao ay naging normal bigla. Sa wakas, nakawala rin sila mula sa kapangyarihan ni Seru," wika ni Morie.
Isang walang kabuhay-buhay na ngiti ang naging tugon ni Hexur sa kasintahan n'ya. Si Cedric naman ay pasulyap-sulyap din sa kaibigan n'ya at para bang sin
