HINDI NAKATULOG si Cadence sa magdamag na iyon dahil sa paghalik sa kanya ni Aga. Hindi maalis-alis ang ngiti sa labi nya. Muli syang nagpagulong-gulong sa higaan nang mapansin na alas-kuwatro na nang umaga.
Naupo sya sa kama. "Gusto ko na matulog!" aniya saka hinawi ang buhok. Huminga sya nang malalim ngunit muli na namang napangiti nang maalala ang binata. "Ano bang ginawa mo sa akin, Aga!" aniya saka muling binagsak ang katawan sa kama.
Nasa kisame ang kanyang paningin. Tila sya may mga maliliit na paru-paru sa tiyan. Natakip nya ang mga kamay sa mukha saka tila bulateng inasinan na naglumikot sa higaan. Napangiwi pa sya nang maramdaman ang pagkirot ng paa.
Naupo sya. "Cadence, kumalma ka nga!" saway nya sa sarili.
Huminga sya nang malalim. Kailangan nya makausap si Aga. Alam nya
