Hindi na rin niya napigilan ang iyak nang makita ang maputlang katawan ng ama sa loob ng isang itim na kabaong. Kakarating lamang nito at hinahanda na ang magiging lamay.
Gusto niyang ilibing agad ang ama kinabukasan dahil sa tagal rin nitong tuluyan na mamahinga. Hindi niya nga alam kung anong dapat niyang maramdaman. Masaya lang siya na kasama na niya ito pero hindi dahil wala na itong buhay.
Sa tuwing nakikita niya ito ay parang gusto na lang niyang humingi nang tawad. Maling isipin na ito rin naman ang dahilan kung bakit naging malungkot ang buhay niya. Kung hindi lang siya nito pinilit na magpakasal kay Leandro ay hindi sila hahantong sa ganito pero ano pa ba ang pwedeng magbago.
Nangyari na ang lahat. Hindi na maibabalik ang lahat para sana ay maging tama sa huli. Alam niya lang n
