Nanginginig ang dalawang kamay ni Faith habang pareho iyong nakahawak sa malamig na baso ng orange juice. Hindi niya alam kung dahil ba iyon sa lamig ng juice o dahil sa katotohanang katabi niya ngayon ang lalaking ilang araw din niyang iniwasan at katapat naman niya ang nanay nito.
Kasalukuyan silang nasa kusina ng pamamahay ni Chase. Pagkatapos ng mga itong pagtulungan siyang bitbitin papasok ng sasakyan-- na maaari na niyang maikonsiderang k********g-- ay dito siya dinala ng mga ito. Kaya tuloy ngayon ay para silang nasa gitna ng interogasyon.
Magka-krus ang mga binti ng ginang pati na rin ang mga braso sa dibdib na para bang kontrabidang nanay sa mga pelikula. Nakangiti ito sa kaniya. Ngunit nakataas ang isang kilay nito. In short, punung-puno ng disapproval at pagkadismaya ang ekspr
