Ariane
Hindi ko alam kung papaano ko naipon ang lakas ng loob na tumayo habang nahihirapan akong huminga dahil sa pag-iyak ko. Dinala ako ng galit kong mga paa sa kinaroroonan nina Devon, Lucas at kay Cameron nakaupo sa sahig. Hindi maipinta ang gulat nakaukit sa mukha niya habang nakatingin siya sa akin. Naramdaman ko na hinawakan ako ni Devon sa kaliwang braso ko, tinapunan siya ng tingin napaatras pa nga siya dahil sa ginawa ko. Hinawakan ko ang kamay niyang nakahawak sa braso ko.
“Salamat sa lahat, pero kailangan muna naming umalis. Hindi maganda na may mag-aaway dito sa pamamahay niyo, tatawagan na lang kita mamaya.”
Agad naman niyang tumango sa sinabi ko.
“You’ll be fine right?” halos pabulong niyang sabi.
Nginitian ko siya bago ko dahan-dahang inalis ang pagkakahawak niya sa ak
