Ariane
“Kailangan pa ba talaga nating dumalo?”
Kasama ko ang dalawang tuko ngayon. Naghahanap kami ng marerentahang damit para sa Engagement Party ni Lerdine.
Pagkatapos nung gala namin ni Cameron sa dalampasigan ay hindi na ito nasundan pa. Nabigyan kami ng magkahiwalay na project kaya hindi na ulit kami nagkita, puro text at minsan lang kami tumatawag sa isa’t isa. Dalawang araw kaming hindi nagkita, may mga pabulaklak at sulat naman siyang ipinapadala sa bahay kada umaga. Kaninang umaga lang ay nakatanggap kami ng text na wala raw munang pupunta sa office ngayong araw dahil sa paghahandang ginagawa ng kompanya sa Engagement Party ni Lerdine.
Hindi ko talaga nagustuhan ang balita, naaalala ko yung malungkot na mukha ni Lerdine. Paano kaya ‘to nagagawa ng mga magulang niya sa kaniya?
