NAGTATALON sa tuwa si Angela habang kausap nito si Benedict. Ilang araw na kasi siya nitong kinukulit sa pangako niyang tatawagin niya si Benedict.
Kita ni Celine ang saya at pagkasabik sa mukha ng kanyang prinsesa na makita ang daddy nito.
"Opo, bukas na po agad?" Abot tenga ang ngiti nito. "Isasama po natin si Mommy?"
Tila nanigas siya sa kinauupan niya. Hindi niya naisip na baka mangulit din si Angela na isama siya kung sakali.
"Sige po, sasabihin ko sa kanya. I love you, Daddy. Miss na miss na po kita."
Agad na lumapit sa kanya ang anak at inabot ang kanyang cellphone.
"Mommy, sabi ni Daddy, kung pwedi ka raw sumama bukas?"
Napalunok muna siya. Hindi pweding makahalata ito na hindi maganda ang pagsasama nilang dalawa ni Benedict.
"Titignan ko, baby, ah?"
Medyo bumagsak ang ba
