Sinikap kong hindi magtama ang mga mata namin. Pero kahit iwasan ko ang mga tingin niya ay nararamdaman kong nakatingin siya sa akin. Sa lahat ng pagkakataon ay ngayon pa talaga kami nagkita? Mabuti na lang at hindi ko sinama si Tinay. Mabuti na lang at nagdadalawang-isip pa akong ipakilala ang anak ko kina Papa. Kundi baka nalaman ni Hades ang tungkol sa anak ko.
Kinabahan ako. Naalala ko ang sinabi ni Harry tungkol sa pagpunta ni Hades dito sa bahay. Hanggang ngayon hindi ko pa rin alam ang dahilan niya kung bakit kailangan niya akong hanapin. Siguro ay utos ng asawa niyang si Obrey. Mabuti na lang at kaya ko nang pagtakpan ang tungkol sa anak ko. Nakakatulong ang kasal namin ni Harry.
"Ikaw pala ang boss nitong anak ko?" Biglang nasalita si Papa. At pinagdarasal ko na sana nanahimik
