Pagbalik ni Binggo sa kanilang lamesa ay hindi na niya nakita si Archer. Hinanap niya ito sa loob ng restaurant ngunit wala na ito. Lumabas siya ng parking at wala na rin ang sasakyan nito roon. Napasabunot siya sa kaniyang ulo. Sabi na nga ba niya, masamang iniiwan na mag isa si Archer.
Kinuha niya ang cellphone sa bulsa ng kaniyang pantalon at dinayal ang numero ng kaibigan. Ilang ring bago ito sumagot.
"Tol, nasaan ka, bakit mo naman ako iniwan?" inis na tanong ni Binggo.
"Umuwi ka na lang mag-isa ay pupuntahan lang ako. Malapit lang naman ang condo natin, lakarin mo na lang o kaya sumakay ka ng jeep," suhestiyon ni Archer.
Habang nagsasalita si Archer ay may narinig si Binggo na boses-boses ito ng babae na para bang katabi lang nito.
"Naku... Sabi ko na nga ba, sumama ka sa babae
