NATUNTON ni Jean ang address na binigay sa kaniya. Dapat sana ay kanina pa siya ngunit nagkandaligaw-ligaw siya kaya medyo natagalan. Kung tutuusin ay sakto lang sa oras ang pagdating niya. Iyon nga lang gutom siya dahil wala ng oras para kumain siya ng lunch. Kung hindi lang sana siya naligaw ay nakapananghalian pa sana siya.
Wala nang magawa si Jean kaya't tiis gutom na lang. Mamaya na lang siya kakain pagkatapos niya rito.
Naghanap si Jean ng bakanteng parking space. Hindi siya hundred percent sure kung ito na ba talaga ang building na nasa address kaya titingnan niya mamaya sa email niya para makatiyak. Nang makapag-park na ay tiningnan ni Jean ang address na in-email sa kaniya.
""Preston Builders!"" basa niya.
Ito na nga talaga iyon. Nakalagay sa gusali ang pangalan at logo ng bu
