NILUKOB na sana ng antok ang diwa ni Travis. Subalit ginising siya ng kaniyang driver sa pamamagitan ng pagtapik-tapik ng kaniyang balikat.
""Hindi pa ako nakaidlip, kuya."" Kinusot-kusot ni Travis ang mga mata.
""Pasensiya na po, sir. Pero kasi iyong sinusundan nating kotse ay paliko po sa kaliwa. Mukhang hindi yata pauwi."" Tinuro ng driver niya ang sasakyan na sa kanilang unahan.
Tumingin si Travis sa windshield at nakita nga niyang sa kaliwa ang signal light na umiilaw. Pakaliwa ang sasakyan ni Jean. Kung uuwi ito ay dapat paliko ng kanan. Dapat babalik ito sa kanila ring dinaanan kanina.
""Wala bang madaanan diyan pabalik ng Maynila, kuya? Wala bang mga alternate route diyan banda?"" Tinanong niya ang kaniyang driver dahil baka naman may sigway na alternatibong ruta sa kaliwa paba
