Nang Dumating si Jovie, ang kaibigan ni Sephy ay agad na nagpaalam si Marco kay Sephy na uuwi muna para puntahan ang kayang kaibigan na marahil ay nag aalala na sa kanya. Mabuti nalang at agad s’yang pinayagan ng dalaga at binigyan pa s’ya ng perang pang taxi na tinanggihan sana n’ya pero nag insist si Sephy na kunin na n’ya ‘yon sabay sabing bumalik s’ya mamayang hapon dahil may lakad sila. Kaya kahit nahihiya ay kinuha nya na din ang pera dahil alam n’yang kulang na din ang pera n’yang pamasahe pabalik sa condo ni Sephy.
Nag offer pa sana si Sephy na kumain na muna dahil sa may dalang pagkain ang kaibigan n’ya pero tumanggi s’ya at sinabing sa bahay na lang ng kaibigan nya s’ya kakain. Naiilang kasi s’ya sa mga titig ng babaeng kaibigan ni Sephy na tila ba nanunuri at pakiramdam n’ya
