“Oy! Bakit nanahimik ka bigla d’yan? Ang lalim ng iniisip mo ah!” saway ni Marco sa kaibigan na dagling ikinabalik ng kamalayan ni Ben.
“Ah, wala! Iniisip ko lang kasi na alam mo na ang sekreto ko, ang tunay na trabaho ko, at natatakot akong baka malaman ng pamilya ko ang tunay na trabaho ko,” pagsisinungaling ni Ben sa kaibigan.
“Ano ka ba pare, hindi naman ako Marites no! saka nauunawaan ko naman na ginagawa mo ang lahat para sa pamilya mo. Makaka asa kang kung ano man ang nalaman ko dito sa Manila ay mananatili lamang dito sa Manila,” pangako pa ni Marco sa kaibigan saka n’ya tinapik ang balikat ni Ben.
Nagpasalamat naman si Ben at alam naman n’yang tutuparin ni Marco ang pangako niyang ililihim ang tunay n’yang trabaho.
“Sya nga pala, kumain ka na ba? Halika na dito at samahan m
