HINDI ako mapakali. Paano kasi, mapilit si Lucio na susunduin niya ako dito sa apartment ko.
Kung bakit naman kasi napakarupok ng bibig ko? Sa halip na nagsisimula na ako sa tahimik na buhay ko na walang Lucio Palermo, lalo yatang gugulo dahil naging marupok na naman ako sa kaniya.
Ilang beses na ba akong naging marupok? At saka, hindi naman talaga dapat ako marupok e. Sa dami nang nanligaw sa akin, hindi naman ako nagpadala. Kay Lucio lang!
Sabi ko pa naman, iiwasan ko na siya. Pero wala, kinain ko lang ang mga sinabi ko.
Kahit pa single na siya ngayon, hindi naman ako hayok sa kaniya para sunggaban ang opportunity. Hindi ko pa nga nakakausap si Kelly mula no'ng mag-break sila ni Lucio.
Hay.
Hindi ako mapakali sa harap ng salamin. Hindi ko rin alam kung bakit parang conscious ako n
