“Saan ka galing?” tanong sa akin ni Jacob nang maabutan niya akong marahan na binubuksan ang pinto ng bahay.
Pinasadahan ko muna siya ng tingin bago umakto na parang normal lang.
“Diyan lang, may puntahan lang,” maiksing sagot ko saka hunubad ‘yung sapatos ko. Naka upo lang siya sa may sofa at naka-crossed legs pa.
“Kumain ka na ba?” tanong niya pero hindi ko siya tinapunan ng tingin.
Ayokong magtanong at gusto kong sa kaniya mismo manggaling kung ano man ang tinatago niya.
“Busog pa ako,” matipid na sagot ko at saka naglakad papunta sa kuwarto. Sinundan lang niya ako ng tingin pero hindi ko siya pinapansin.
Agad kong inayos ‘yung bag ko. Hindi muna ako nakapag bihis. Kinuha ko ‘yung phone ko kanina at saka binuksan iyon.
Binuksan ko ‘yung messenger ko at nakita ang chat ni Amy.
