Hindi ako sigurado dito sa pinasok namin ni Bryan pero hindi ko alam kung bakit nasa palengke kaming dalawa.
“Mamalengke ba tayo Bryan?” nagtatakang tanong ko sa kaniya nang makababa na kami sa Jeep.
“Hindi, gusto mo ng trabaho hindi ba?” tanong niya pabalik sa amin habang naglalakad kaming dalawa.
“Ang putik naman dito. Ganito ba talaga dito?” tanong ko ulit habang sumusunod lang ako sa kaniya.
Paano ba naman kasi, mapapasukan na yata ng putik ang loob ng flatshoes ko dahil dito kami dumaan.
Nauubusan na ako ng pasensya.
“Wala bang ibang daan dito?” pagrereklamo ko sa kaniya.
Hindi niya sinagot ang tanong kaya sumunod lang ako sa kaniya.
“Ano ba naman ‘to,” bulong ko sa sarili ko.
Pumasok kami sa isang maliit na eskinita at saka pumasok sa isang building. Walang elevator kaya
