Dahil maaga akong nagising, nakita ko kaagad si Bryan na mahimbing ang tulog at mukhang mangangalay ang kaniyang katawan dahil mali ang postura ng katawan niya sa pagkakahiga.
Maingat akong umalis at saka tumungo sa kusina para uminom ng tubig. Agad naman akong nakakita ng itlog sa ref kaya naisipan kong magluto na lang bago umalis. Kahit sa ganitong paraan man lang ay makabawi ako sa lahat ng mga ginawa ko sa kaniya.
Nagsaing na rin ako sa rice cooker. Mabuti na lang at may rice cooker sila dahil sa rice cooker lang din ako nagsasaing sa bahay kapag kaming dalawa lang ni Jacob. Natutuwa naman ako kasi kahit papaano ay marunong ako magsaing dahil tinuruan ako ni Jacob kung paano ang tamang sukat sa pagsasaing.
Nakangiti lang ako habang nagluluto dahil natutuwa ako na nandito na si Brya
