RUSSEL'S POV
"Kayo ng bahala kung paano niyo pagkakasyahin ang labing limang araw para solusyunan lahat ng monarkiya. Bibigyan namin kayo ng karagdagang limang araw kung kailangan. Kapag may problema o aberya ay kailangan niyo ring lampasan ayon sa alam niyong paraan, Hindi kami makikialam. Bakit? Dahil iyon ang trabaho niyo sa ngayon." Sandali siyang tumigil sa pagsasalita at pinalutang mga bilog na bagay na nasa mapa lang kanina. Sinundan ng aming mga mata ang anim na bilog na iyon na nagpa-ikot-ikot sa ere. Nasa gitna ang pinakamalaki ang sukat at may iba't ibang kulay. Pinaikutan ng maliliit ang malaki at tumingkad ang kulay. "Ito ay ang anim na natatanging mundo. Ang Genovia na may Limang kaharian," itunuro niya gamit ang stick na hawak niya ang malaking bilog. "Zumercarias," ang kul
